Xonanda Abdulla Qurbonov “Darakchi” gazetasiga bergan intervyusida ijodga qaytib kelishi sabablari va keyingi yil rejalari haqida gapirib berdi. Shuningdek, u ilgari qilgan xatolarini anglab etgani va boshqa bunday ishga qo'l urmasligini ta'kidlab o'tdi.

“Yangi kuch va g'ayrat bilan ijodimni boshlab oldim, - dedi u. – Menga shunday imkoniyat bergani uchun esa “O'zbeknavo” estrada birlashmasidan ham minnatdorman”.
Qurbonov arzimas sabab inson hayotini ostin-ustun qilib yuborishi mumkinligini, buni o'z misolida ko'rganini e'tirof etdi.

“Ko'r hassasini bir marta yo'qotadi, deyishadi, - qo'shimcha qildi u. – Men ham bunday xatolikka boshqa yo'l qo'ymayman”.

Shundan so'ng xonanda yangi yildagi rejalari bilan o'rtoqlashdi:
“Mart oyida hayotimdagi shu ikki ayolning (ya'ni onasi va turmush o'rtog'i) irodasi va menga bo'lgan ishonchiga atab “G'iybatlarga ishonmang, biz yoningizdamiz, ayollar” nomli yakkaxon kontsert dasturini taqdim etishni niyat qilganman. Shuningdek, “Do'st”, “Jonim bo'lsin fido” nomli qo'shiqlarni ham tez kunlarda muxlislar e'tiboriga havola etishni rejalashtirganmiz”.