Germaniyalik ovchi Zimbabvening janubi-sharqidagi Gonaraje milliy bog'ida yashayotgan ulkan va keksa filni otib o'ldirdi. The Daily Telegraph nashrining aniqlik kiritishicha, bunday yirik fil oxirgi marta bundan 30 yil muqaddam ovlangandi.

Qo'riqxona xodimlarining ma'lum qilishicha, ushbu ovchi 8 oktyabr kuni 60 yoshli filni otgan. U bu ovni qonuniy huquq orqali amalga oshirgan. Unga bu jonivorni ov qilish huquqi 60 ming dollar evaziga berilgan.

Jonivorlar muhofazasi bilan shug'ullanuvchi Zimbabwe Conservation Task Force tashkiloti tomonidan ma'lum qilinishicha, filning tish suyaklari vazni 55 kg bo'lgan.

Bu ov 21 kun davom etgan. Ovchiga bu jarayonda mahalliy ovchilar yordam berishgan.

"Men "yashillik" nimaligini bilaman. Lekin bu qonuniy ov bo'ldi", deydi ovchilardan biri.

Zimbabve gidlar va professional ovchilar uyushmasi vakili Lui Myullerning The Daily Telegraph nashriga ma'lum qilishicha, ovchining o'zi filning ulkan tishlari haqida uni otib o'ldirganidan keyin bilgan. Myullerning aytishicha, bog' xodimlari bu filni shu vaqtgacha uchratishmagandi.

Nashrda yozilishicha, bu ovning yakuniy jarayoni aks etgan surat internetga joylashtirilgach, jonivorlar huquqlarini himoya qiluvchilarning keskin noroziliklariga uchragan.

Eslatib o'tamiz, shu yilning iyulida Zimbabvedagi Ngvanga qo'riqxonasida mashhur sher Sesil amerikalik sayyoh tomonidan otib o'ldirilgandi. Uolter Palmer ismli sayyoh-ovchi dantist kasalligiga chalingani tufayli xatolik bilan bu sherni otib qo'ygani aytilgandi.