Dunyoning eng semiz ayoli deya hisoblanadigan amerikalik Katrina Reydford 230 kg.gacha ozishga ulgurdi. Bu haqda The Huffington Post UK nashri xabar tarqatmoqda.

Nashrining yodga olishicha, 12 yil muqaddam Reydford 432 kg. tosh bosgandi. O'shanda u o'zini «yarim tonnalik ayol» deya ta'riflagan.

Amerikalik ayol yosh paytida jinsiy zo'ravonlikdan jabr ko'rgan. Shundan so'ng u o'ziga tasalli berish uchun shirinliklarga ruju qo'ygan. 2003 yilda Reydfordda nafas olish bilan bog'liq muammolar paydo bo'lgan. Shunda shifokorlar bemorni olib chiqish uchun xona devorini buzishlariga to'g'ri kelgan. Ayol jarrohlik amaliyotini boshidan o'tkazgan va shundan so'ng meva, sabzavotlar va kam miqdorda oriq go'sht bo'laklaridan iborat qattiq tartibdagi parhezga kirishgan.

Hozirda ayolning vazni 203 kg.ni tashkil qilmoqda. Lekin Katrina to'xtab qolmoqchi emas. U yanayam ozib, ortiqcha terisini oldirib tashlamoqchi.