Сан-Францисколик ота Брайан Ваер ресторан ва мактабларда фойдаланиладиган қалам қолдиқларини исроф қилмасдан, уларга янги ҳаёт баҳш этишнинг ажобтовур йўлини ўйлаб топди. Эндиликда қалам қолдиқлари қайта ишланиб, касалхонадаги миттивойларга янги рангли қалам кўринишида етказиб берилмоқда.

Бу ғоя унга 2011 йилда туғилган кунини ресторанда оиласи билан нишонлаётган пайтда келган эди. Ўша куни официант унинг икки ўғлига рангли қаламлар келтирди, Брайан эса бу қаламлар ишлатилганидан сўнг қаерга юборилишини сўради, улар ташлаб юборилишини билгач, унга қаламларни қайта ишлаш ва Калифорниядаги касалхоналарга етказиб бериш – “Қаламлар ташаббуси” ғояси келди.

Ресторан ва мактабларда 75 000 фунт рангли қалам ҳар йили ташлаб юборилади.

Ижодкор ота Брайан Ваер эса аъло даражадаги ечим топди – қаламларни эритиш лозим.

Кейин эса Брайан уларни махсус қолипларга қуяди.

Ҳар сафар 96 та янги рангли қалам тайёрланади.

Ушбу қаламлар қалинроқ бўлиб кичик ёшдаги ва имкониятлари чекланган болалар учун ушлаш учун қулай.

Тайёр қаламлар Калифорниядаги касалхоналарга етказиб берилади.

Ҳозирги кунга қадар икки мингдан ортиқ қутилардаги қалам етказиб берилган

“Агар биз ишлаб чиқарган қаламлар болаларга касалхона муҳитини ўн дақиқага унутишга ёрдам берса, биз ўз мақсадимизга эришган бўламиз”, - дейди Брайан Ваер.