11 noyabr kuni «Chelsi» klubi sobiq shifokori Еva Karneyro taniqli tadqiqotchi va biznes-maslahatchi Jeyson De Karterga turmushga chiqdi. Bu haqda Daily Mail nashri xabar bergan.

Nikoh marosimi London shahrida bo'lib o'tgan. Unga «Chelsi»ning bir qator futbolchilari taklif etilgan, biroq mehmonlar orasida «aristokratlar» bosh murabbiyi Joze Mourino yo'q edi.

Qayd etish joiz, APLning birinchi turida o'tkazilgan «Chelsi» — «Suonsi» o'yini vaqtida Joze Mourino va Еva Karneyro o'rtasida ziddiyat kelib chiqqandi.

Shundan so'ng, ishdan ketgan Еva klub rahbariyati bilan to'lov puli borasida kelisha olmay, «Chelsi» va Mourinoni sudga berishga qaror qilgan edi.