Germaniyaning Gerlits shahrida istiqomat qiluvchi 65 yoshli germaniyalik o'zining Adolf Gitlerga qarindosh ekanini aytgan.

Romano Lukas ismli bu shaxsning aytishicha, natsistlar dohiysining otasi Alois Gitler va o'z bobosi aka-uka bo'lgan.

Qariyaning aytishicha, uning ota-onasi Ikkinchi Jahon urushidan keyin Sharqiy Germaniyaga qochishgan, keyinroq Slovakiyaga o'tishgan. Romano juda yoshligida ota-onasiz qolgan va monastirlardan birida tarbiyalangan. Uni ko'p o'tmasdan polshaliklar oilasi asrab olishgan. Romano ulg'aygach, Germaniyaga qaytgan.

O'zining aytishicha, u o'z familiyasi orqali ko'p aziyat chekkan.

"Familiyamni eshitishgach, ba'zilar kulishadi, ba'zilarda qo'rquv paydo bo'ladi. Lekin men Gitlerlarning so'nggisiman, bizning avloddan boshqa hech kim qolmadi", deydi u.
Express jurnalisti unga ishonmagan.

Tarixdan ma'lumki, Aloisi Gitlerning akasi ham, ukasi ham bo'lgani haqida dalillar mavjud emas.