4 dekabr oqshomida Erediviziyaning "Az Alkmar" va "ADO Den Xaag" jamoalari o'rtasida kechgan uchrashuv (0:1) vaqtida maydondan mushuk yugurib o'tdi. Qora rangli bu mushuk butun maydon bo'ylab yugurgan va stadion qo'riqchilari qo'liga tushmagan holda yashirinishga muvaffaq bo'lgan. U shu qadar tez yugurganidan barcha futbolchilar ham uni sezishmagan.

Qayd etish kerakki, maydonga mushuk tushib kelishi bilan bog'liq holat yaqinda ham kuzatilgandi. Rossiya Kubogi doirasida "Zenit" va "Tosno" jamoalari o'rtasida kechgan bahs (5:0) vaqtida "Zenit" darvozaboni Yuriy Lodigin maydonda yurgan mushukni quvib, maydondan haydashiga to'g'ri kelgandi.

2012 yilda esa "Liverpul" va "Tottenhem" jamoalari uchrashuvi vaqtida maydonga mushuk tushib kelgan, shundan so'ng tvitterda "Enfild mushugi" akkaunti paydo bo'lgan, bu akkaunt qisqa vaqt ichida 30 mingdan ortiq follover yiqqandi.