Sirdaryo viloyatining Guliston shahrida O'zbekistonda ishlatilishi taqiqlangan radioboshqariluvchi uchuvchisiz uchish qurilmalarining noqonuniy olib kirilishi, sotilishi va foydalanish holatlarini aniqlash bo'yicha reyd o'tkazildi, deb xabar bermoqda viloyat elektr magnit moslashuvchanlik xizmati.  

Tadbir davomida 4 ta uchuvchisiz uchish qurilmasidan noqonuniy foydalanish holati aniqlandi.

Tadbirda mas'ul davlat tashkilotlari vakillari ishtirok etishdi.

O'zbekiston Vazirlar Mahkamasining 2015 yil 1 yanvardagi qaroriga muvofiq, O'zbekistonga uchuvchisiz uchish qurilmalarini (vazni 2000 kg dan oshmaydigan samolyot va boshqa uchish qurilmalari) olib kirish, sotish va foydalanish taqiqlangan.

Bunday chora havo kemalarining xavfsizligini ta'minlash va uchuvchisiz uchish qurilmalari tomonidan O'zbekiston havo hududidan ruxsat olmagan holda foydalanishning oldini olish maqsadida ko'rilgan.