Instagram ijtimoiy tarmog'i o'tayotgan yilga yakun yasadi. Ijtimoiy tarmoq shu munosabat bilan tuzgan hisobotida eng mashhur fotosuratlar, shaharlar, diqqatga sazovor joylar, xeshteg va emodzilarni keltirdi.

Instagram’da eng ko'p layklar olgan surat Kim Kardashyanning singlisi Kendall Jenner surati bo'ldi. Ushbu surat 3,2 mln dan ko'proq “yurakcha” oldi. Shuningdek, eng mashhur suratlar beshtaligiga Teylor Sviftning akkauntidan ikkita surat ham kirdi.

Eng mashhur shahar Nyu-York bo'ldi, Moskva Parij va Londondan keyin 4-o'rinni egalladi. Diqqatga sazovor joylar orasida Eyfel minorasi, Luvr va Qizil maydon etakchilik qildi, 10-o'rinni San'atlar bog'i Muzeon egalladi.

2015 yilda jahonda eng ommaviy xeshteg #love, Rossiyada #moskva bo'ldi. Emodzilar orasida “yurakcha” etakchi bo'ldi.

Instagram, shuningdek, bu yil kiritgan muhim funktsiyalar haqida hisobot berdi. Xizmat mart oyida fotokollajlar yaratish imkonini beruvchi Layout dasturini ishga tushirdi. Ijtimoiy tarmoq yozda qidiruvni yaxshiladi va unda suratlarni ham portret, ham albom ko'rinishida berish imkoni paydo bo'ldi. Sentyabrda ijtimoiy tarmoq butun dunyo bo'ylab barcha kompaniyalar uchun reklama platformasini ishga tushirdi. Shu oyda Instagram’ning foydalanuvchilari soni 400 mln dan oshib ketdi. Ijtimoiy tarmoq oktyabrda o'zining 5 yillik yubileyini nishonladi.