Rossiyaning Kaliningrad shahrida o'zbekistonlik 25 yoshli ishchining o'limi sabablarianiqlashtirilmoqda.

Baxtsiz voqea 28 noyabrda Fortovaya doroga ko'chasidagi turar joy binosi qurilishida yuz berdi. Yosh yigit balandlikda ishlayotib, yiqilib tushgan va o'limga olib keluvchi jarohatlar olgan.

Tergovchilarning dastlabki ma'lumotlariga ko'ra, bo'yoqchi bo'lib ishlagan o'zbekistonlik Kaliningrad viloyatida ishlash uchun patentga ega bo'lgan. O'sha kuni yigit 2-qavatda ishlayotgan bo'lgan. Yigit ishga joylashganiga bor-yo'g'i ikki hafta bo'lgan.

Tergovning fikricha, yigit uning hayotini saqlab qolishi mumkin bo'lgan xavfsizlik moslamasidan foydalanmagan.

Ushbu holat yuzasidan mehnatni qo'riqlash federal xizmati mutaxassislari jalb qilingan holda tergovgacha tekshiruv o'tkazilmoqda.