Aytishlaricha, karam sharbati oshqozon yarasiga davo bo`lar ekan. Shu rostmi? Karamning yana qanday foydali xususiyatlari bor?

Anora, Angren shahri

Yo`talda: barra karam sharbatini iliq holida ta`bga ko`ra asal yoki shakar bilan aralashtirib, bir kunda 3-4 mahal yarim stakandan ichish lozim. Muolaja davomiyligi 5-6 kun.

Bosh og`rig`ida: og`riq berayotgan bosh qismiga issiq suvda chayilgan karam bargini qo`yib, ustidan qo`l bilan bosib turing. 10 daqiqalardan so`ng og`riq engillashadi. 

Gastrit xuruj qilganida: yangi chiqarilgan karam sharbatini yarim stakandan 3-4 mahal qabul qilish kerak. Sharbat ovqatdan 40 daqiqa oldin ichilgani ma`qul. 

Bavosirda: qabziyat sabab yuzaga kelgan bavosirda karam sharbati 1 kunda 1 mahal 1 stakandan ichiladi. Ushbu sabzavotdan tayyorlangan salatni esa 1 kunda 2 martagacha iste`mol qilish mumkin. 

Oshqozon va 12 barmoqli ichak yaralarida: kunora 100 grammdan karam sharbatini 2-3 mahal ichish lozim. Sharbat ovqatdan 40-50 daqiqa oldin ichilsa, shifo bo`ladi. 

Aterosklerozda: ovqatdan 20 daqiqa oldin yarim stakan yangi chiqarilgan karam sharbatini ozroq asal bilan aralashtirib ichish mumkin. Sharbatli muolaja 1 kunda 3 mahal bajariladi. 

Milk yallig`lanishida: barra karam bargini uzoq vaqt og`izda chaynash lozim. Shu bilan birga, og`iz bo`shlig`ini karam sharbati bilan chayqash ham yaxshi natija beradi. 

Teri kuyishi, yaralar: Bir nechta karam bargini go`sht qiymalagichdan o`tkazib, 1 dona tuxum sarig`i bilan aralashtiriladi. Hosil bo`lgan aralashmani jarohat ustiga qo`yib, doka bilan bog`lanadi. 

Qandli diabetda: to`g`ralgan karamni tuz bilan yaxshilab aralashtirib, sharbatini ajratib oling. Aynan mana shu sharbat qonda qand miqdorini me`yorlashtiradi. Bu sharbatni kunora yoki qand miqdori ko`tarilganida qabul qilish mumkin.