"Реал" клуби ҳужумчиси Криштиану Роналду Испания чемпионатининг 10-турида "Лас Пальмас" клубига қарши ўйинда гол киритиб, жамоаси ғалабасига ҳисса қўшди.

Шу тариқа португалиялик футболчи Европанинг топ-5 чемпионатлари тўпурарлари рўйхатида 3-ўринга кўтарилиб олди. Унинг ҳисобида 317та гол бор. Бу кўрсаткич бўйича у "Дерби" клубининг собиқ ҳужумчиси Стивен Блумер билан тенглашиб олди.

Роналду Испания Примеросида 233та, Англия Премьер лигасида 84та гол киритган.

Европанинг етакчи чемпионатлари топ-10 тўпурарлари рўйхати:

1. Джимми Гривз (Англия) – 366
2. Герд Мюллер (Германия) – 365
3-4. Криштиану Роналду (Португалия) – 317
3-4. Стивен Блумер (Англия) – 317
5. Дикси Дин (Англия) – 310
6. Делио Оннис (Аргентина/Италия) – 299
7. Лионель Месси (Аргентина) – 288
8. Гордон Ходжсон (Англия/ЖАР) – 287
9. Алан Ширер (Англия) – 283
10. Сильвио Пиола (Италия) – 274