«Al-Jahra» va «Xaytan» jamoalari o'rtasida Kuvayt kubogi uchun o'tkazilgan o'yin shayxlardan biri boshlab bergan ommaviy mushtlashuv tufayli to'xtab qoldi.

Bu jarayon aks etgan videolavha internetda tarqalgan.

Unda ko'rish mumkinki, avvaliga shayxga zaxira hakamining harakatlari yoqmaydi. Hamkasbining yonini olish uchun etib kelgan bosh hakam esa musht va tepkilarga duchor bo'ladi.

Shuningdek, bu vaqtda ikki jamoa vakillari o'rtasida ham to'qnashuvlar yuz bergan.

Stadion qo'riqchilari ularni ajratishgan va shayxni uning hamrohlari maydondan olib chiqib ketishgan.