"Барселона" клуби ҳужумчиси Луис Суарес Испания чемпионатининг 10-туридан ўрин олган учрашувда "Хетафе" жамоаси дарвозасига гол киритгани ҳақида хабар бериб ўтгандик.

Ушбу гол уругвайлик ҳужумчининг фаолиятидаги 300-гол бўлди.

Суарес "Барселона" таркибида жами 36та гол киритган. Уругвай терма жамоасидаги голлари сони эса 44тани ташкил қилади. "Ливерпул"да ўйнаб юрган вақтида у жами 82 марта рақиблар дарвозабонини ранжитган.

"Аякс"даги голлари сони эса 111та. "Гронинген" жамоасида 15та, "Насьонал"да эса 12та тўпга муаллифлик қилган.