"Bavariya" jamoasini keyingi mavsumda italiyalik mutaxassis Karlo Anchelotti boshqarishi ayonlashmoqda. Marca nashri ma'lumotiga ko'ra, italiyalik murabbiy nemislar jamoasi bilan 3 yillik shartnoma imzolaydi.

Bu kelishuv keyingi hafta boshida rasman e'lon qilinishi kutilmoqda.

Ayni vaqtda jamoa bosh murabbiyi hisoblanadigan ispaniyalik mutaxassis Xosep Gvardiola 1 kun oldin jamoani mavsum so'ngida tark etishini ma'lum qilgandi.

Uni Angliyaning "Manchester Siti" va "Manchester Yunayted" jamoalari ishga taklif etishgan.

Bundan oldinroq, uning o'rnini "Bavariya"da Germaniya terma jamoasi bosh murabbiyi Yoaxim Lyov egallashi haqida ma'lumot ham paydo bo'lgandi.

Ma'lumot uchun, Anchelotti o'tgan mavsum so'ngida "Real"dan bo'shatilgan va shundan beri ishsiz yuribdi.