29 oktyabr kuni ajratib olingan Siam egizaklarining biri Zita Rezaxanova Qirg'izistonda, o'z uyida vafot etdi. Bu haqda "Vechernyaya Moskva" xabar bermoqda. Qiz hayotdan ko'z yumayotganida yolg'iz emasdi. Uning yonida yaqinlari va qarindoshlari bor edi. U o'limidan bir necha kun oldin, 24 yoshini nishonlagandi, deb ma'lum qiladi Dni.ru.

Siam egizaklari Zita va Gita Rezaxanovalar 1991 yilning 19 oktyabrida G'arbiy Qirg'izistonda tug'ilishgan. Ularda bir siydik yo'li va uch oyoq bor edi. 2003 yilda Filatova nomidagi Moskva markaziy bolalar klinikasida tarixda ilk bor Siam egizaklarini jarrohlik yo'li bilan muvaffaqiyatli ajratib olishdi. Opa-singillarni uzoq vaqt salomatliklari bezovta qilmadi, ammo so'nggi vaqtlarda Zitaning sog'lig'i yomonlasha bordi.

Joriy yilning avgust oyida Zita poytaxt shifoxonalaridan birida og'ir holatda yotqizildi. Uning singlisi Gita o'zini yaxshi his etyapti. Ularning har ikkisi maxsus ta'lim olgan va bolalarga Qur'ondan saboq berishardi.