"Barselona" jamoasi hujumchisi Lionel Messi jarohat olib safdan chiqqanidan beri ilk marta umumiy guruh bilan mashg'ulotlarda qatnashdi. Bu haqda AS nashri xabar bergan.

Ma'lum qilinishicha, u mashg'ulot o'yini vaqtida gol ham urgan.

Qayd etish kerakki, "Barselona" jamoasi matbuot xizmati bu futbolchining mashg'ulotlarga kirishganini yashirmoqchi bo'lgan. Matbuot esa buni sezishga muvaffaq bo'lgan.

Eslatib o'tamiz, Messi sentyabr oyi oxirida, La liga doirasida "Las Palmas" jamoasiga qarshi o'tkazilgan bahsda jarohat olgan va 2 oyga safdan chiqqandi.

Shifokorlar uning "Real"ga qarshi 21 noyabr kuni o'tkaziladigan "El-klasiko" bahsida ishtirok etmasligi kerakligini aytishgandi.