Машҳур ишбилармонлар ҳақида фикрлар эканмиз, уларни кўпинча оддий ҳаётда тасаввур қилмаймиз. Кўпинча бу инсонларни ҳашаматли офис ва лабораторияларда кўз олдимизга келтирамиз. Лекин улар ҳам ҳаммамиз каби оддий инсон — уларнинг ҳам куни худди бизники каби бошланади. Хўш, миллиардерлар эрталаб қандай нонушта қилишади? Ҳозир шу ҳақда.

Амансио Ортега

“ZARA” асосчиси

Мода оламининг қироли ва «Zara» магазинлар тармоғининг асосчиси, Испания ва бутун Европадаги энг бой инсон, дунёнинг учинчи рақамли пулдори бўлган Ортега дўстлари билан қаҳвахонада нонушта қилади ва қайноқ шоколад билан пончик ейишни ёқтиради.

Жек Дорси

“Twitter”нинг бош директори

Интернет-бизнес етакчиси Жек Дорси нонуштада икки дона қовурилган тухум ейди. Балки у бу билан бирданига иккита компаниянинг бош директори эканлигига шаъма қилар. Лекин Дорси асло туз истеъмол қилмайди.

Ричард Брэнсон

“Virgin” асосчиси

Ўз оролига эга бўлган инсон нонуштада нима еркин? Албатта мева. Лекин Бренсон кўп йиллардан буён кунни бир финжон мюсли ва олма билан бошлайди.

Билл Гейтс  

“Microsoft” асосчиси

Билл Гейтс пул одамни бузиши ҳақидаги фикрга мутлақо қўшилмайди. У оддий кийинади, ҳақиқий америкаликлар каби фаст-фуд ва кола билан нонушта қилади ҳамда пулни ақл билан сарфлаш худди уни топиш каби қийин деган фикрда.

Марк Цукерберг

“Facebook” асосчиси

Цукерберг диққат-эътибори чалғимайдиган инсонга ўхшаб кўринса-да, у анчагина ҳардамхаёл ва эрталаб столда нима бўлса шуни ейди. Цукербергнинг бу одатини ҳамма билади ва уни бир неча марта кечаги пицца ёки бургерни еяётганини кўришган.

Лилиан Бетанкур

“L’Oreal” президенти

Бу аёл-миллиардер Европанинг мумтоз таоми — совутилган бузоқ гўшти ва бир қадаҳ винони хуш кўради. Десертга эса мева истеъмол қилади.