17 oktyabr kuni Moskva shahrida, Novoyasenevsk shoxko'chasi va Vilnyuss ko'chasi kesishishida mast haydovchi 23 yoshli o'zbekistonlik qizni urib ketdi. Buning oqibatida qiz voqea joyida halok bo'ldi.

Moskva bo'yicha IIB matbuot kotibi Andrey G'aliakberovning so'zlariga qaraganda, voqea paytida Chevrolet Cruze mashinasining davlat raqami tushib qolgan, uni urib ketilgan qiz o'limidan oldin qo'li bilan ushlab olgan.

Marhumning qo'lida qolib ketgan mana shu raqam yordamida jinoyatchi tezda aniqlandi. Haydovchi ilgariroq qoidabuzarlik tufayli haydash guvohnomasidan mahrum qilingani ma'lum bo'ldi. Shu tariqa, u, mast holda mashina boshqarish bilan birga, unga bunday huquqni beruvchi hujjatga ham ega bo'lmagan.
Internetga voqeaning tashqi kuzatuv kamerasida qayd qilingan lavhasi joylashtirildi.