Xonanda Munisa Rizaeva Sayyod.com saytiga bergan intervyusida Botir Qodirov bilan munosabatlari nega buzilganini tushuntirib berdi.

Muqaddam administrator Abdurasul Rahimov va prodyuser Asror Isaxo'jaev bilan muammolarga yo'liqqan xonanda ayrim san'atkorlar u bilan ishlagani va ishlashda davom yetayotganini aytib, nolidi.

“Ayrim san'atkorlar u bilan ishlagan, faqat men yemas – dedi Rizaeva. – Adashmasam, bu Jasur Umirov, Yulduz Nizomova, bugungi kunda yesa Botir Qodirov. Agar Botir Qodirovga uni hurmat qilmasliklari yoqsa, marhamat”.

Jurnalistning Botir Qodirov bilan munosabatlar aynan tilga olingan shaxs tufayli buzilgani haqidagi savoliga javob berarkan, san'atkor buni tasdiqladi: “Abdurasul ham, Asror ham u bilan birga ishlagan. Ha, Botir Qodirov bilan bugungi kunda men gaplashmayapman. Chunki, masalan, agar men uning o'rnida bo'lganimda, qo'ng'iroq qilib, nega sening ikki ma'muring sendan ketdi, deb so'rab ko'rardim... Chunki biz Botir bilan do'st yedik. Jasur Umirov bo'lganida boshqa gap yedi. Botir Qodirov bilan yesa munosabatlarimiz juda yaqin yedi. Shu jihatdanki, biz do'st yedik, bir-birimizni qo'llab-quvvatlardik, men uni juda qattiq hurmat qilardim. Botir Qodirov qo'shiq yoki boshqa masalada maslahatlashmoqchi bo'lsa, unga maslahat berardim. Nega ma'murlarim masalasida menga hech kim qo'ng'iroq qilmadi? Hech narsa so'ramadi?”.

Munisa Rizaeva Botir Qodirovdan xafa bo'lgani uchun uning kontsertida chiqish qilmaganini, lekin sozandalarini yuborganini tan oldi: “Men xafa yedim. Lekin odamlar menga qiladigan ishni ularga takrorlamayman. Men uni zarba ostiga qo'ya olmas yedim. Menda ham kontsert bo'lgan yedi, kontsert nimaligini bilaman, negaki mening sozandalarim uning kontsertida ishlashi kerak yedi. Uning ishonchiga putur yetkaza olmas yedim, shu bois musiqachilarim uning kontsertida ishladi”.

“Men bu insonni hozir ham juda hurmat qilaman. Gaplashmayotganim yesa hech narsa yemas, shou-biznesda ko'plar bilan gaplashmayman, shou-biznesda ko'plar mendan nafratlanadi”, - xulosa qildi Rizaeva.

Ushbu masala yuzasidan Botir Qodirovning prodyuseri Abror Po'latov bilan bog'langanimizda u Munisa Rizaevaning kontsertda ishtiroki u qadar muhim bo'lmagani, uning o'rnida boshqa qo'shiqlar bor bo'lganini ma'lum qildi.

“Kontsertda Munisa Rizaevaning sozandalari qatnashganidan xabarim yo'q yedi. Keyinroq bilsam rostan ham bitta barabanchi ishtirok yetgan yekan. Biroq u 6 mahal kontsert uchun arzirli gonorar oldi”, – dedi prodyuser.

Bundan tashqari, Abror Po'latov administratorlar sababli do'stona munosobatlardan kechib yuboradigan xonandaga nisbatan Botir Qodirov doimo yaxshi munosabatda bo'lganini ta'kidladi.

“Ijodiy prodyuser Asror Isaxo'jaev hamda Abdurasul Rahimovning loyihamizda o'rni katta. Yeng muhimi, ular halol, diyonatli va hech qachon hech kimning haqqiga hiyonat qilmagan”, – deb qo'shimcha qildi Abror Po'latov.