Qatarning Doha shahrida Yaman hamda O‘zbekiston milliy terma jamoalari o‘rtasidagi JCh — 2018 saralashining guruh bosqich 8-tur uchrashuvi nihoyasiga yetdi, deya xabar bermoqda “Uff.uz”.

Unda 1:3 hisobi qayd etilib, o‘zbekistonlik futbolchilarning g‘alabasi bilan yakunlandi.

O‘yinning 8-daqiqasida Aziz Haydarov o‘z zarbasi bilan hisobni ochdi. O‘zbekistonlik futbolchilar 31-daqiqaga kelib, ikkinchi golni ham urdi. Bu safar Server Jeparov ajoyib gol muallifiga aylandi.

Ikkinchi bo‘limning 50-daqiqasida Stanislav Andreyev O‘zbekiston jamoasining uchinchi golini urdi va amalda o‘yin taqdirini hal qildi.

Uchrashuv tugallanish arafasida Ahmad al-Sarori bitta javob golini urishga muvaffaq bo‘ldi.

Shu tariqa, Samvel Babayan shogirdlari navbatdagi g‘alabani qo‘lga kiritdi va uch ochkoga ega bo‘ldi.

JCh — 2018 saralashi, 8-tur
Yaman — O‘zbekiston — 1:3
Gollar: Ahmad al-Sarori (90) – Aziz Haydarov (8), Server Jeparov (31), Stanislav Andreyev (50).

Yaman: Ayash, Xubayshi, Sasi, Matari (Sarori), Xayfi, Mahdi, Zubayri, Mansur, Alos, Bugshoh, Hamson
O‘zbekiston: Aleksandr Lobanov, Vitaliy Denisov, Yegor Krimets, Anzur Ismoilov, Islom To‘xtaxo‘jayev, Odil Ahmedov, Aziz Haydarov, Sardor Rashidov, Stanislav Andreyev, Server Jeparov, Igor Sergeyev.