“Barselona” hujumchisi Lionel Messi Ispaniya chempionatining 12-turida Madridning “Real” klubiga qarshi o‘yinda jamoasiga yordam bera olmaydi, deb xabar beradi “RIA Novosti”.

Sababi o‘yinchining jarohatdan keyingi tiklanishi cho‘zilmoqda.

Messi sentabr oxirida Ispaniya Primerasining 6-turidagi “Las-Palmas”ga qarshi kechgan o‘yinda raqib o‘yinchisi bilan to‘qnashuvi natijasida jarohat olib, o‘yinning 10-daqiqasida almashtirilgan edi. Keyinroq uning tiklanishi uchun 7—8 hafta kerak bo‘lishi ma’lum qilingan edi.

Avvalroq Messining “Real” bilan o‘yinda ishtirok etishi mumkinligi kutilgan edi. Biroq klub shifokorlari o‘yinchi jarohatini chuqurlashtirib yuborishi mumkinligidan xavotir olmoqda.

“Real” – “Barselona” o‘yini 21-noyabr kuni Madridda bo‘lib o‘tadi.