Olmaota shahrida noma'lum shaxslar shahar hokimiyati tomonidan Sulton Qorasu anhori yoqasidagi Bekmaxanov ko'chasida ekilgan archalarni o'g'irlab ketishgan. Voqea joyidan Periscope telekanali translyatsiya uyushtirgan.

Qayd etilishicha, bu voqea 5 dekabrga o'tar kechasi sodir etilgan. Jinoyatchilar 13 tup archani kovlab olishgan. Ko'rilgan zarar miqdori 500 ming tangani tashkil qiladi. Hokimiyat bu hududga jami 200 tup ko'chat va butalar ekkandi.

Ayni vaqtda politsiyachilar hodisa bo'yicha tekshiruv olib borishmoqda.

"Kechasi archalarni o'g'irlab ketishibdi. Aytishim kerakki, bu xalq mulki edi. Uni o'g'irlaganlar esa haqiqiy vandallardir. Buning uchun tegishli choralar ko'riladi", deydi hokimiyat vakili.