Bugun, 21 noyabr kuni Oliy liga 30-turi doirasida oxirgi uchrashuvlar o'tkazildi va milliy chempionatning joriy mavsumi yakunlandi.

Joriy mavsum chempioni nomi oxirgi turda aniqlandi. Toshkent shahridagi "Paxtakor" markaziy stadionida o'tkazilgan «Paxtakor» – «Andijon» uchrashuvi mezbonlarning 6:0 hisobidagi g'alabasi bilan yakunlandi.

Toshkentdagi o'yinning 13-daqiqasida Maxaradzening pasidan so'ng Masharipov jarima maydoniga kirib bordi va darvozani ishg'ol qildi - 1:0. Taym so'nggida Iskanderovning pasidan keyin Javohir Sohibov chamasi 20 metrlardan kuchli zarba bilan darvozani ishg'ol qildi, to'p to'singa tegib darvoza ichiga borib tushdi - 2:0. Andreevning pasidan so'ng Krimets boshi bilan darvozani ishg'ol qildi - 3:0. 

72-daqiqada 11 metrli jarima to'pini ishlagan Sergeevning o'zi gol urdi - 4:0. O'yin tugashiga 5 daqiqa qolganida Igor Sergeev dublga erishdi - 5:0. Oradan ikki daqiqa o'tib Anvar Soliev penaltidan o'yinning so'nggi golini urdi - 6:0.

Bu g'alaba evaziga "Paxtakor" hisobidagi ochkolar soni 75taga etdi va jamoa o'z tarixidagi 11-chi chempionlikka erishdi.

Jamoaning asosiy hujumchisi Igor Sergeev "Andijon"ga qarshi o'yinda 2ta gol urish evaziga o'z gollari sonini 23taga etkazib, mavsum to'purariga aylandi.

Bu o'yin bilan parallel ravishda Namanganda o'tkazilgan «Navbahor» – «Lokomotiv» uchrashuvida  mehmonlar 3:2 hisobida g'alaba qozonishdi. «Lokomotiv» 74 ochko bilan ikkinchi o'rinda qoldi.

Oliy Liga 30-tur
«Paxtakor» – «Andijon» - 6:0

Gollar: Masharipov 15, Sohibov 41, Krimets, 45+1, Sergeev 72 (pen), 84, Soliev 87 (pen).
«Paxtakor»: Lobanov, Andreev, Krimets, Kozak, Hoshimov, Sohibov, Maxaradze (s), Karimov, Iskanderov, Masharipov, Sergeev
«Andijon»": Isaboev, Husanov, Tursunov, Boboxonov, Otaxonov, Jumaboev, Abdullaev, Guseynov, Asqaraliev (s), A.Rahmonov, Bekmurodov.

Chetlatish: Sanjar Asqaraliev 74

«Navbahor» – «Lokomotiv» - 2:3

Gollar: Temurxo'ja Abduxoliqov 44, - 0:1 (Temur Kapadze). Otabek Valijonov 53, - 1:1 (Tohir Shamsiddinov). San'at Shixov 68, - 2:1. Lutfulla To'raev 90+6, - 2:2. Mo'ydin Mamazulumov 90+7, - 2:3. 

«Navbahor»: Akmal Ortiqov, Alisher Samatov, Rahmatillo Berdimurodov, San'at Shixov, Azim Ahmedov, Otabek Valijonov, A'zam Aliev, Shahboz Erkinov, Robbim Hasanov, Dilshod Jabborov (S), Tohir Shamsitdinov.

«Lokomotiv»: Ma'mur Ikromov, Bobir Yo'ldoshev, Dilshod Rahmatullaev, Marat Bikmaev, Timurxo'ja Abduxoliqov, Lutfullo To'raev, Jasur J. Hasanov, Timur Kapadze, Islom To'xtaxo'jaev, Sanjar Shoahmetov, Oleg Zoteev.