Sayyoramizda istiqomat qiluvchi har yettinchi erkak prostata bezi (предстательной железы) saratoniga chalinish xavfi bilan yashar ekan. O‘tkazilgan ko‘p sonli izlanishlar shuni ko‘rsatmoqdaki, so‘nggi o‘n yillikda ovqatlanish ratsioniga qat’iy rioya qilish mazkur kasallikka chalinish ehtimolini keskin tushirar ekan. Yaqinda Dyuk universiteti olimlari tomonidan o‘tkazilgan ikki tadqiqot mobaynida ham ushbu fikr yana o‘z tasdig‘ini topdi. Ular natijasiga ko‘ra, uglevodlarga boy mahsulotlar mazkur kasallikka chalinish ehtimolini 50-60 foizga kamaytiradi.

NewsMax Health xabariga ko‘ra, sog‘lom ovqatlanish va sog‘lom turmush tarzi qoidalari asosida hayot kechirish kasallik nasldan naslga o‘tib kelayotgan taqdirda ham erkaklarni ulardan himoyalay oladi.

Shu maqsadda e’tiboringizga prostata bezi saratonidan saqlovchi 8 mahsulotni havol etamiz:

1D Vitamini. AQSh milliy sog‘liqni saqlash instituti hamda Mudofaa vazirliklari o‘tkazgan tadqiqotlardan ma’lum bo‘ldiki, erkaklar organizmida D vitaminining yetishmasligi prostata bezi saratoni xavfini 500 foizgacha oshiradi. Shu bois ekspertlar kuniga 5000 vitamin birligini iste’mol qilishni va eng kamida 15 daqiqa quyosh nurlari ostida sayrga chiqishni tavsiya etishmoqda.

2Melatonin. Garvard universitetining tadqiqotchilar guruhi mutaxassislarining aniqlashicha, erkaklar organizmida uyqu gormoni hisoblangan melatonin miqdori qanchalik ko‘p bo‘lsa, prostata bezi saratoniga chalinish xavfi shunchalik pasayadi. Har kuni 3 mg melatoning qabul qilish xastalik xavfini 75 foizgacha kamaytirar ekan.

3Likopin. Likopin pomidor va tarvuz rangini to‘q qizil rangga kiritishga xizmat qiluvchi birikma hisoblanadi. Ushbu birikma antioksidant xususiyatga ega bo‘lib, kasallikni 35 foizigacha bartaraf etadi. Olimlarning qayd etishlaricha, saraton oldi alomatlari kuzatilgan erkaklar har kuni 4 mg likopin qabul qilishsa, ko‘ngilsizliklar oldi olinar ekan. Britaniyadagi Portsmut universiteti olimlarining tasdiqlashlaricha, ozroq yog‘ bilan tayyorlangan pomidor tomatida likopin biologik jihatdan yanada faollashadi.

4Indol-3 karbinol (I3C). Indol-3 karbinol brokkoli va karam singari krestgullilar oilasiga mansub sabzavotlarda ko‘p miqdorda uchraydigan birikma bo‘lib, 20-30 mg miqdoridagi likopin va indol-3 karbinolom kasalik qayd etilgan erkaklarga ijobiy ta’sir ko‘rsatib, o‘simtalar hajmining keskin kichrayishiga sabab bo‘lgan.

5Uzum shoxchalari ekstrakti. AQSh Saratonni o‘rganish milliy instituti buyurtmasiga binoan o‘tkazilgan tadqiqot ishida uzum shoxchalari ekstrakti ham prostata bezi saratoniga chalinish xavfini 40-60 foizga kamaytirishi ma’lum bo‘ldi.

6Ko‘k choy ekstrakti. Parma universiteti olimlarining aniqlashicha, prostata bezi saratoniga chalingan erkak kuniga uch mahal 200 mg kapsula ko‘rinishidagi ko‘k choy ekstraktini iste’mol qilganidan so‘ng saraton platsebo qabul qilgan bemorga qaraganda 90 foizgacha kamayadi.

7Kurkumin. Kurkumin — hind ziravorlari tarkibidagi birikma bo‘lib, Nyu-Mexiko Saraton markazining ilmiy tadqiqot guruhi mutaxassislari laboratoriya sharoitida uning sun’iy ko‘rinishi ham saraton o‘smasining rivojlanishiga nafaqat to‘sqinlik qilishi, balki undan halos bo‘lishga ham yordam berishini isbotlashdi.

8Kversetin. Mazkur kuchli antioksidant olma, piyoz va sarimsoq piyoz tarkibida ko‘p miqdorda uchraydi va prostata bezi saratoniga chalinish xavfini pasaytiradi. Xitoylik bir guruh olimlarning aniqlashicha, kvertetsin ta’siri ostida saraton hujayralari 48 soat ichida nobud bo‘ladi.