"Реал" ва "Барселона" ўртасида кечадиган класико баҳсида асосий таркибда майдонга тушадиган футболчилар номи маълум бўлди.

"Барселона" таркибида Лионель Месси захирада қолган. Қуйида жамоалар таркиби билан танишиб олишингиз мумкин.

Испания чемпионати
12-тур
"Реал" – "Барселона" - 0:4 (тугади)
Голлар: Суарес 11, Неймар 39, Иньеста 53, Суарес 74
Реал – Навас, Варан, Марсело (Карвахаль, 59), Данило, Рамос, Хамес (Иско, 55), Кроос, Модрич, Бэйл, Роналду, Бензема.
Барселона – Браво, Пике, Альба, Дани Алвес, Ракитич (Месси, 57), Бускетс, Иньеста, Маскерано (Матье, 27), Серджи Роберто, Неймар, Суарес.
Огоҳлантиришлар:   Хамес (23), Дани Алвес (31), Рамос (51). 

1' Ўйин бошланди.

2' Серхио Рамос Луис Суаресга нисбатан қўполлик ишлатди. 

4' Марсело икки марта ўз қанотидан тўпни етказиб беришга ҳаракат қилиб кўрди. Самарасиз

7' Каталонияликлар ажойиб ҳужум ташкил қилдилар. Неймар тўпни Суаресга етказиб берган эди, аммо унинг зарбаси тўсин устидан ўтиб кетди.

9' Хавфли вазият. Роналду бирга бир вазиятда Маскеранони қийинчиликсиз ортда қолдирди ва дарвоза томон зарба берди. Браво ўз жойида ва хавф ортда қолди.

11' Гооолл. Суарес! 

11' Серхио Роберто марказ томон ўтиб бориб, Суаресни тўп билан таъминлади. Уругвайлик ҳужумчининг бу сафарги зарбаси аниқ ва тиниқ бўлди. 0:1

14' Иньестанинг дарсликка қўлланма бўлишга арзийдиган оширмасидан сўнг ташкил этилган ҳужумни Ракитич осмону фалакка йўллаган зарбаси билан барбод қилди.

18' Бэйлнинг оширмасидан сўнг Роналду ҳужумда қўполлик қилишга мажбур бўлди. "Реал"нинг ўйини ҳозирча унча ўхшамаяпти.

22' Хамес Родригес Неймарга қўполлик қилгани учун огоҳлантирилди.

25' "Барселона" иккинчи голни уришга жуда яқин келган эди. "Реал" ҳимояси кўп хато қилмоқда ва Серхио Роберто яқин масофадан тўпни дарвоза устидан ўтказиб юборишнинг "уддасидан" чиқди. Балки унга Варан ҳалал бергани ёқмагандир...

27' Маскеранонинг жароҳати жиддий шекилли. Унинг ўрнига Матье майдонга туширилди.

29' Хамес 20 метрлардан зарба берди. Браво қийинчилик билан бўлсада уни бартараф этишга муваффақ бўлди.

32' Дани Алвес ҳам ниҳоят сариқ карточка билан "кўришиш"га "муваффақ бўлди". Одатда у класико баҳсларида огоҳлантирилмаса кўнгли жойига тушмайди.

38' Бензема ўта хавфли вазиятни қўлдан бой берди. Браво ҳам "чакки" эмас, "Барса"нинг бахтига унинг қўпол хатоси голга олиб келмади.

39' Гол! Неймар

39' Иньеста "Реал"нинг икки ҳимоячисини доғда қолдириб, Неймарни тўп билан таъминлади. Бразилиялик ҳужумчи ортиқча муаммосиз дарвозани нишонга олди. 0:2

42' "Барса"нинг яна бир хавфли ҳужумини Варан қайтариб қолди. Суаресга ўйин бермади у.

45' Неймар ва Суарес "Реал"нинг бутун ҳимоясини дарвозабон Навасга қўшиб алдаб ташлашди ва уругвайлик ҳужумчи бўм-бўш қолган дарвоза томон зарба берди. Аммо қаердандир пайдо бўлган Марсело бу зарбани қайтаришга муваффақ бўлди. Ҳозирча у қаҳрамон!

45+2' Биринчи бўлим тугади.

46' Иккинчи бўлим бошланди.

48' Бэйлнинг узоқ масофадан йўллаган зарбаси юқорилаб кетди.

53' Гол! Иньеста.

53' Неймар товон билан тўпни Иньестага оширди. Андрес эса кучли зарба билан жамоасининг учинчи голини киритди. 3:0

56' Кутиб олинг, Лионель Месси! Ракитичнинг ўрнига Месси майдонга тушди. Энди нима бўларкан?

64' Карвахал "Барселона" дарвозасига зарба беришга уриниб кўрди. Аммо муваффақиятсиз.

68' Роналду бирга бир вазиятдан гол ура олмади! Бунақада "Реал" бирор нарсани ўзгартириши қийин. Бравога эса браво!

71' Роналду энди ўйиндан ташқари ҳолатдан ҳам гол ура олмади. Омадсизлик бўлса, шунчалик бўлар...

74' Гол! Суарес.

74' Роналду эплай олмаган ишни Суарес ажойиб тарзда уддалади. Бирга бир вазиятдан фойдаланиш мана бундай бўлади, 0:4. 

81' Бенземанинг бош билан берган ажойиб зарбасини Браво ундан-да қолишмайдиган ажойиб сейв билан бартараф этди.

84' Иско нималар қилмоқда?! У Неймарга қарши ўта қўпол ўйнади ва бунга қизил карточкадан бошқа жазо бўлмаса керак. Иско четлатилди!

87' Бенземанинг ўйини сал ўзига ўхшамоқда. Аммо унинг зарбаси етарлича аниқ ва кучли бўлмади. 

89' Роналдунинг кучли зарбасини Браво бартараф этди. 

90+3' Ўйин тугади. Ҳаммага омад!