Мадриднинг «Реал» жамоасини шу пайтгача 46 нафар мураббий бошқариб келишган. Биз «Қироллик клуби» тарихига назар солиб, энг кучли мураббийлар ТОП-7 лигини аниқлашга ҳаракат қилдик.

7. Лео Бенҳакер
Бошқарган даври: 1986-йил 1-июль – 20-июнь 1989-йил, 1992-йил 27-январ – 29-июнь
Статистикаси: 197 ўйин, 121 ғалаба, 47 дуранг, 29 мағлубият. Тўплар нисбати: 404-185
Ютуқлари (6 та): Испания чемпиони (3), Испания кубоги соҳиби (1), Испания суперкубоги ғолиби (2).

Бенхакер «Реал»га икки марта мураббий этиб тайинланган. Биринчи уринишда у 3 йил ишлаган бўлса, иккинчисида 6 ой фаолият олиб борди. Лео «Бланкос» музейига 6 та кубокни олиб келди. Жамоа унинг даврида 3 бора Ла Лига чемпиони бўлганлиги таҳсинга сазовордир.

6. Карло Анчелотти
Бошқарган даври: 2013-йилнинг 25-июнь – 2015-йил 1-июль
Статистикаси: 119 ўйин, 89 ғалаба, 14 дуранг, 16 мағлубият. Тўплар нисбати: 323-103.
Ютуқлари (4 та): Испания кубоги (1), Чемпионлар лигаси ғолиби (1), Европа суперкубоги эгаси (1), Клублар ўртасидаги жаҳон чемпиони (1)

Италиялик мутахассис «Реал»даги дастлабки мавсумидаёқ 4 та кубокни қўлга киритди. Анчелотти «галактикос»нинг тарихий Чемпионлар лигасидаги 10-ютуқни қўлга киритишини таъминлаб берди. Шунингдек Дон Карло даврида «Қироллик клуби» кетма-кет 22 та ғалабага эришиб, рекорд ўрнатишга муваффақ бўлди.