Rossiyada o'zbekistonlik muhojir tomonidan tashkil qilingan ekstremistik guruh fosh etildi. Bu haqda “Postda” nashri yozmoqda.

Aytilishicha, Abbos ismli shaxs Rossiyada uzoq yillar ishlab, ekstremistik tashkilotlarga a'zo bo'lib qolgan. Unga O'zbekistondan kelayotganlar bilan “ishlash” va tashkilot saflarini kengaytirish topshirilgan.
Toshkent, Samarqand va Namangandan kelgan o'nlab yigitlarga Abbos tomonidan yordam ko'rsatilar edi: Abbos ularga ish topib berar, so'ng “jamoat” bo'lib to'planishga chorlar hamda mana shunday yig'inlardagi suhbatlar, shuningdek, namoyish qilingan videofilmlar orqali ularni tashkilotga a'zo qilardi.

Mana shu guruhning namanganlik a'zolaridan biri o'z kuyovini Rossiyaga chorlab, uni ham guruhga qo'shishga harakat qilgan. Lekin bu yigit qarindoshining adashganini tushunib, O'zbekistonga qaytgan va tegishli organlarga xabar bergan. Natijada guruh fosh etilgan, a'zolarining katta qismi qo'lga olingan