“Севилья” клубининг жорий мавсумдаги энг яхши тўпурари Кевин Гамейро “Манчестер Сити”га қарши кечадиган Европа Чемпионлар лигасининг 4-тур учрашувида иштирок этмайди.

Ушбу мавсумда 14та ўйинда 7та гол киритган франциялик футболчи “Вильярреал”га (1:2) қарши Ла Лига ўйинида жароҳат орттириб олган.

Айтиш жоизки, 3 очко билан гуруҳда учинчи ўринни эгаллаб турган “Севилья” сешанба куни ўз майдонида “Сити”ни қабул қилади.