To`yib uxlamaslikning zarari haqida hozir hamma biladi, biroq u, ayniqsa, ayollar uchun xavfli ekani ham aniqlandi.

Bu borada tadqiqot olib borgan mutaxassislar turli yoshdagi ayollar va erkaklardan iborat ikki yuz kishilik guruhning holatini batafsil tahlil qildi. Bundan oldin ushbu ko`ngillilarning hech biri jiddiy muammolarga ega bo`lmagan va salomatligidan shikoyat qilmagan ekan. Tajriba davomida muntazam ravishda to`yib uxlamagan va shu bilan bog`liq muammolarga ega bo`lgan ayollar boshqalarga qaraganda yurak-qon tomir kasalliklariga ko`proq chalingani aniqlandi. Bundan tashqari, ushbu guruhdagi ayollarda ikkinchi tur diabeti ham ko`proq aniqlangan. 
Amerikalik olimlarning qayd etishicha, bu borada erkaklar organizmi chidamliroq bo`lib, uyqu etishmovchiligida bunday muammolarni his qilmas ekan.