“Yangi kitob” nashriyoti O'zbekiston xalq yozuvchisi Tohir Malikning “Ajab dunyo” kitobini nashr qildi. Mazkur to'plamdan adibning yangi qissalari va hikoyalari o'rin olgan. 
Shuningdek, kitobda arab adibi Mahmud Abdulmalik Iydning Tohir Malik ijodiga bag'ishlab yozgan maqolasi o'rin olgan.
"Odam umrini tabiat fasllariga o'xshatib sifatlashadi. Bahor — bolalik va yoshlik fasli, umr adog'i esa kuz — xazonrezgi fasliga qiyosdir. Bahoru yoz imtihon fasli, kuz esa mevalarni terib olish, umr intihosidagi oqibat natija ko'rinadigan kimgadir hayajonli, kimgadir vahimali, yana kimgadir xatarli damlardir. Mazkur kitobga jamlangan asarlarda ana shu so'nggi imtihon onlaridan hikoya qilingan", deyiladi taqrizda.
“Men sizlar Tohir Malikning ushbu dunyosini o'qib uning ijodida ishtirok etish uchun munozarani ochiq qoldiraman”, deb yozadi arab adibi Mahmud Abdulmalik Iyd.
Kitob muqovasi taniqli va iste'dodli musavvir Bahriddin Bozorov tomonidan tayyorlangan.
Eslatib o'tamiz, “Yangi kitob” — O'zbekistondagi eng yosh nashriyotlardan biri hisoblanadi.