Tojikiston hukumati 2016-2020 yillarda ayol tadbirkorlarni qo'llab-quvvatlashga qaratilgan prezident grantlarini ta'sis etdi. Hukumatning rasmiy qarorida aytilishicha, grantlar yakka tartibdagi tadbirkorlik bilan shug'ullanuvchi ayollarga, agarda ular taqdim etgan loyihalar ko'rsatilgan talablarga javob bersa, ajratiladi.

Besh yil davomida ayollar va oila ishlari bo'yicha qo'mita har yili 80ta shunday grant ajratishi ko'zda tutilgan: 20ta grant 40 ming somoniy, 20tasi 30 ming somoniy, 20tasi 20 ming somoniy, 20tasi 10 ming somoniy miqdorida.

Hukumat moliya vazirligiga grantlarni 2016 yil byudjetida ko'zda tutilgan mablag'lar hisobidan moliyalashtirishni, 2017 yildan esa buning uchun davlat byudjetidan maxsus mablag' ajratishin topshirdi.