O'zbekiston va Gruziya davlatlari o'rtasida madaniy aloqalarni rivojlantirish munosabati bilan “O'zbekkino” Milliy agentligi va Gruziya respublikasining O'zbekistondagi elchixonasi tashabbusi bilan 2015 yilning 18-20 dekabr kunlarida “Gruzin kinosi kunlari” bo'lib o'tadi.

Mazkur madaniy tadbirning tantanali ochilish marosimi 18 dekabr kuni Respublika Kinochilar uyida soat 17:00da bo'lib, “O'zbekkino” Milliy agentligi rahbariyati, Gruziya Respublikasi favqulodda va muxtor elchisi Konstantin Jgenti, shuningdek Gruziya delegatsiyasi a'zolari – aktyor va kinoijodkorlar Baadur Sokratovich Suladze (aktyor), Elgudja Vladimirovich Burduli (aktyor va xonanda), Zurab Vasilevich Kipshidze (aktyor), Dali Okropiridze (kinoshunos), Georgiy Nakashidze (aktyor) ishtirok etishadi.

Madaniy tadbir doirasida tomoshabinlar e'tiboriga havola etiladigan filmlar ro'yxati:

18 dekabr

17:00 - “Gruzin kinosi kunlari” tantanali ochilish marosimi

18:00 - 19:30 - “Keto va Kote” (rejissyor: V. Tabliashvili va Sh. Gedevanishvili).

21:00 - 22:30 - “Birinchi qaldirg'och” (“Pervaya lastochka”) (rejissyor: N. Mchedlidze).

19 dekabr

12:00 - 13:30 - “Kuzgi quyosh” (“Osennee solntse”, rejissyor: T. Palavandishvili).

15:00 - 16:30 - “Veriyskiy kvartali musiqasi” (“Melodii Veriyskogo kvartala”, rejissyor: G. Shengelaya).

18:00 - 19:30 - “Bedorlar quyoshi” (“Solntse nespyashchix”, rejissyor: T. Babluani).

20 dekabr

12:00 - 13:30 - “Yakka ovchi” (“Odinokiy oxotnik", rejissyor: K. Dolidze).

15:00 - 16:30 - “Gruzin qisqa metrajli filmlari” (“Korotkometrajnye gruzinskie filmy”).

18:00 - 19:30 - “Oshiq oshpazning 1001 taomnomasi” (“1001 retsept vlyublennogo kulinara”, rejissyor: N. Djordjadze).

Gruziya kinosi kunlari doirasidagi barcha namoyishlar Toshkent shahridagi Respublika Kinochilar uyida bo'lib o'tishi rejalashtirilgan.