Toshkentda kuz-qish mavsumiga tayyorgarlik ko'rish davomida gaz taqsimoti tizimi katta ko'lamda rekonstruktsiya qilindi. Eski gaz quvurlari to'liq almashtirildi. Buning evaziga Toshkentning barcha tumanlarida gaz bosimi taqsimoti yaxshilandi.

Sovuq tushishi va havo harorati pasayishi bilan tabiiy gaz iste'moli keskin oshadi, shu tufayli gaz ta'minoti sohasida kuz-qish mavsumiga tayyorgarlik ko'rish ishlariga katta ahamiyat berilmoqda.
Joriy yilda 27,8 kilometrlik gaz tarmoqlarini kapital ta'mirdan chiqarish rejalashtirilgan edi, hozirda bu ishlar o'z yakuniga yaqinlashmoqda.

Еr osti gaz quvurlarini ta'mirlashda “quvur ichida quvur” deb ataluvchi, vaqt va mablag'larni tejashga imkon beruvchi polietilen quvurlarni yotqazish zamonaviy usulidan foydalanilmoqda. Gaz bilan ta'minlash tizimida gaz boshqaruvchi punktlar muhim bo'g'in bo'lib hisoblanadi. Shu munosabat bilan o'rta va yuqori bosimdagi 2232 ta shunday punkt tekshirildi, aniqlangan nuqson-kamchiliklar tezkorlik bilan bartaraf etildi, eskirgan va kam quvvatli qurilmalar almashtirildi.

Aholining gaz ta'minoti bo'yicha barcha shikoyatlari texnik kengashda ko'rib chiqilmoqda. Gaz quvurlarining mustahkamligi va ish qobiliyati maxsus qurilmalar yordamida tekshirilmoqda. Ancha chuqurlikdagi gaz sizishlari va gaz quvurlarining shikastlanganini aniqlay oluvchi zamonaviy qurilmalar bilan jihozlangan er osti gaz quvurlarini tekshiruvchi mobil laboratoriya 1300 kmlik gaz tarmog'ini tekshirib chiqdi, barcha aniqlangan nuqsonlar tezkorlik bilan bartaraf qilindi va 102,6 km er usti gaz quvurlari bo'yab chiqildi.

Yangi zamonaviy qurilmalarning o'rnatilishi germetikligi buzilgan gaz quvurlaridagi sizishlarni bartaraf qilish imkonini beradi. Shu maqsadda o'rta va past bosimdagi gaz taqsimlovchi tarmoqlarda yangi texnologiyalar tatbiq qilinmoqda. 
Tabiiy gazdan oqilona foydalanish darajasini oshirish bo'yicha dastur ishlab chiqilgan. Gazni tejash maqsadida iste'mol qilingan gaz hisobotini yurituvchi eskirib qolgan mexanik asboblar o'rniga yangi tejamkor, elekron asboblar joriy qilinmoqda. Shu bilan bir qatorda eski issiqlik qozonlari o'rniga zamonaviylari o'rnatilmoqda.

Nosozliklar oldini olish va bartaraf etish bilan er osti gaz quvurlari xizmati shug'ullanmoqda. Jadvalga ko'ra, quduqlarning gazlanganligi monitoring qilinmoqda, gaz ta'minoti trassalari aylanib chiqilmoqda, zarur bo'lgan hollarda ta'mirlash ishlari tashkil etilmoqda.

Bundan tashqari, har bir tumanda avariyaviy xizmat bo'lib, u kun davomida aholidan murojaatlarni qabul qiladi va er usti gaz quvurlari va iste'molchilarning gaz asboblarini ta'mirlash ishlarini olib boradi. 
Toshkentning barcha tumanlarida barqaror gaz ta'minoti ta'minlandi, barcha zarur bo'lgan ta'mirlash va profilaktika ishlari amalga oshirildi.