Sony kompaniyasidan sotib olingan VAIO kompyuter brendining yangi yegalari noutbuk, Android’da ishlovchi planshet va smartfon ishlab chiqarish bilan cheklanib qolmaslikka qaror qildi. Yaponiyada Windows 10 operatsion tizimida ishlovchi VAIO-smartfon taqdim qilindi. Bu smartfon nazariy jihatdan kompyuter o'rnini bosa oladi.

VAIO Phone Biz deb nomlangan smartfon o'z ko'rinishi bilan tadbirkorlarga mo'ljallanganiga ishora qilib turadi. Smartfon 8 yadroli Snapdragon 617 protsessori, FullHD-ekran va 3 GB tezkor xotira bilan jihozlangan.

Katta sig'imli tezkor xotira Windows 10 Mobile’da Continuum funktsiyasidan foydalangan holda smartfondan kompyuter sifatida foydalanishga imkon beradi, unga simsiz interfeys yoki dok-stantsiya orqali displey, klaviatura va sichqonchani ulash mumkin bo'ladi. Qurilma ko'rinishi jihatidan xushbichim ishlangan, korpusi boshqa flagman modellar kabi metalldan ishlangan.

VAIO Phone Biz Yaponiyada 50 ming iendan sotiladi.