Xitoylik millarder Van Yan o'z boyligining qariyb barchasini uysiz itlar uchun boshpana qurishga sarfladi, deya xabar bermoqda Metro. Bundan uch yil muqaddam “po'lat imperiyasi”ni boshqargan tadbirkorning sevimli kuchugi yo'qolib qoladi. “Men uni hamma joydan qidirdim, biroq natijasiz tugadi”, - dedi XXR fuqarosi.

Van Yan o'zining sevimli jonivorini topa olmadi. Shundan so'ng kuchuklarni qutqarish bo'yicha xususiy markazini ochishga qaror qildi. Tadbirkor buning uchun qarovsiz po'lat quyish zavodi hududida markaz qurilishini boshlab yubordi. Hozirga qadar Van Yan itlarni parvarish qilish va davolash ishlariga anchagina pulni sarflab yubordi.
“Men pullarni xayr-ehson uchun qabul qilmayman.

Faqatgina bag'rikeng insonlarning qanchadir miqdorda oziq-ovqat mahsulotlari bilan yordam berishiga umid qilaman”, -dedi u.
Ayni paytgacha markazda mingga yaqin uysiz itlar yashadi. Ularning ko'pchiligi yangi xo'jayinlarga ega bo'ldi va hozirda bu erda 200 jonivor parvarish qilinmoqda.