Yaponiya hukumati Ginovan shahridagi Futemma Amerika harbiy bazasi o'rnida Disneylendga o'xshash attraktsionlar parkini ochish tashabbusi bilan chiqmoqda.

“Buyruq shahar ma'muriyatidan kelib tushdi”, dedi Tokioda o'tgan matbuot-anjumanda Vazirlar mahkamasi bosh kotibi Yosixide Suga.

Bugunda mavjud rejaga muvofiq, AQSh harbiy bazasi 2019 yilning fevral oyiga borib yopilishi lozim. Buning uchun bazani boshqa joyga ko'chirish talab etiladi.

Yosixide Suga shahar meri Atsusi Sakimoyon bilan uchrashuvda hukumat tashabbusini to'liq qo'llab-quvvatlashini bildirdi va merni Oriental Land Co. Ltd. kompaniyasi rahbari bilan tanishtirdi. Kompaniya Disney Company litsenziyasiga ega bo'lib, Tokiodagi Disneylend, hamda Tokyo Disney Sea parklari boshqaruvi uchun javob beradi.

Sputnik.ru xabariga ko'ra, mahalliy aholi Amerika bazasining ko'chirilishiga norozilik bildirmoqda. Sababi, shunday bo'lgan taqdirda, 157 gektarga yaqin dengiz yo'liga tuproq to'kishga to'g'ri keladi. Bu esa marjon riflariga tuzatib bo'lmas ziyon etishi mumkin.